Omega 3

Doymamış yağ turşularının ən mühüm nümayəndələri omega-3 və omega-6 yağ turşularıdır. Bu maddələr insan orqanizmində sintez edilmir, buna görə də xaricdən qəbul edilməlidir.

Omega-3 və omega-6 arasında nisbət ən həssas təbii balanslardan biridir. Normada 1:1 olmalıdır. Tarazlığın omega-6 lehinə pozulması bir sıra fəsadlara gətirib çıxara bilir.

Omega-3 hüceyrə divarının tərkibinə daxildir, maddələrin hüceyrədaxili və xarici mühit arasında transportunda iştirak edir. Bununla yanaşı, omega-3 yağının aşağıdakı faydaları var:

Qanda xolesterol və triqliserid səviyyəsini aşağı salır;

Görmə analizatorunun patalogiyalarının qarşısını alır;

Yaddaş zəifliyi, Alzheymer xəstəliklərinin əmələ gəlmə riskini azaldır;

Sümükləri gücləndirir və laxtalanma ilə bağlı patalogiyaların və qanda qlükozanın səviyyəsinin qarşısını alır.

Hamiləlikdə omega-3 qəbulu, xüsusilə, əhəmiyyətlidir. Omega-3 dölün gözlərinin, beyninin, sinir toxumasının inkişafında mühüm rola malikdir. Son trimestrdə omega-3 yağ turşularına təlabat artır. Bu dövrdə gündəlik qəbul minimum 250 mq-dır.

Əgər hamilə qadın orqanizmində omega-3 çatışmazlığı varsa, dölün inkişafı üçün lazımı omega-3 ana orqanizminin mənbələrindən sorulur. Belə ki, bu, ananın sinir hüceyrələrinin ğlümü hesabına ola bilər. Təsadüfi deyil ki, kifayət qədər omega-3 qəbul etməyən hamilələrdə postpartum-depressiya daha çox rast gəlinir.

Omega-3-ün təbii mənbələri balıq, kətan toxumu, kənd yumurtası, avakado, kələm, ispanaq və qozdur.