C vitamini

C vitamini immunitetin möhkəmlənməsinə cavab verir. Hamiləlik dövründə qadınlar infeksiyalara daha həssas olduğundan, C vitamininə tələbat da yüksəlmiş olur. Sitruslar (portağal, limon), qara qarağat, çiyələk, kələm və şirin bibər tərkibində C vitamini səviyyəsi yüksək olan qida məhsullarıdır. Bu səbəbdən sadalanan məhsullar hamilə qadınların gündəlik rasionuna daxil edilməlidir. Yemək vaxtı 1 stəkan  portağal və ya  qreypfrut şirəsi için. Şirədə olan C vitamini dəmirin sorulmasına da kömək edəcək.

Vitamin C  dəmirin absorbsiyasını sürətləndirir.

Vitamin C orqanizmdə dəmirin sorulması prosesinə kömək edir. Yemək vaxtı 1 stəkan portağal şirəsi ideal qərardır. Lakin portağal şirəsindən başqa digər şirələri  və ya dəmirlə zəngin mineral su və ya digər içkiləri də içmək olar. Çalışın ki, tanin tərkibli məhsullardan, o cümlədən kofe və çaydan ( qara və yaşıl çay) az istifadə edəsiniz. Çünki tanin tərkibli məhsullar dəmirin sorulmasını çətinləşdirir.

Hamiləlik zamanı nə qədər C vitamini qəbul edilməlidir? 
 Hamilə qadınlar üçün tövsiyyə olunan gündəlik C vitamini miqdarı: 
⁃       18 həftədən əvvəl- 80 mg 
⁃       19 həftədən sonra- 85 mg 
⁃       Süd verən analar -120 mg 
   
  Hamiləlik zamanı C vitaminin azlığı yorğunluq, diş əti qanaması, yaraların gec sağalması, dərinin quru olması kimi əlamətlərlə özünü birüzə verir. Qəbul etdiyimiz  digər qidaların tərkibindəki dəmirin bağırsaqlardan sorula bilməsi üçün də C vitamini ilə zəngin qidalar qəbul edilməlidir. Lakin, hamiləlik zamanı tövsiyyə edilən hədd aşılmamalıdır. Belə ki, həddindən  artıq C vitamininin qəbulu  erkən doğum riskini artıra, şişkinlik, ishal, böyrək daşının yaranmasına səbəb ola bilər.
  Beləliklə, tövsiyyə edilən dozanı aşmamaq şərti ilə C vitamini həm hamilə qadın, həm də gələcək körpəsi üçün vacib vitaminlərdən biridir.