Əkiz hamiləlik

Bilirik ki, ovulyasiya zamanı adətən 1 yumurta hüceyrə yetişir, bu yumurta hüceyrənin fallop borusunda spermotozoidlə mayalanması zamanı ziqot əmələ gəlir.Əgər, ovulyasiya nəticəsində 1 deyil, 2 yumurta hüceyrə yetişərsə, onların ikisi də spermotozoidlə mayalanır.Belə hamiləliyə əkiz hamiləlik, embrionlara isə ayrı yumurta əkizləri-diziqot əkizlər deyilir.Ayrı yumurta əkizlərinin cinsiyyəti eyni, və ya müxtəlif ola bilər.

 Lakin, bəzən 1 yumurta hüceyrəsi mayalanıb ziqot əmələ gətirdikdən sonra ziqot bölünərkən yaranan  hüceyrələr bir-birindən ayrılır.Nəticədə eyni cinsiyyətli iki embrion əmələ gəlir,bunlar eyni yumurta əkizləri-monoziqot əkizlərdir. Bütün dünyada hər 1000 doğuşdan 4-ü monoziqotik əkizlərin payına düşür. Bəzi bölgələrdə, məsələn, Qərbi Nigeriyada bütün hamiləliklərin 45%-ni əkiz hamiləliklər təşkil edir,bu bölgədə dünyaya gələn əkizlərin 90%-i diziqot əkizlərdir.