close
close

Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır

tədbirlər

Hamilə xanımlarda psixi rifahın qiymətləndirilməsi, stress və onun aradan qaldırılması yolları

"Hamiləlikdə İnkişaf Portalı" və Psixi Sağlamlıq Mərkəzinin birgə əməkdaşlığı çərçivəsində Sumqayıt şəhərində yaşayan hamilə xanımlar üçün 3-4 iyul 2019-cu il tarixində 2 günlük “Hamilə xanımlarda psixi rifahın qiymətləndirilməsi, stress və onun aradan qaldırılması yolları” seminarı keçirilmişdir. 

“Hamiləlikdə İnkişaf Portalı”nın Sumqayıtda təqdimatı keçirilib

“Regional İnkişaf” İctimai Birliyinin Səhiyyə Nazirliyinin dəstəyi ilə hazırladığı “Hamiləlikdə İnkişaf  Portalı”nın (HİP) 31 mayda Sumqayıt şəhərində  təqdimatı keçirilib. Sumqayıtda fəaliyyət göstərən mama-ginekoloqların, müvafiq sahədə çalışan tibb işçilərinin iştirak etdiyi təqdimata hamilə xanımlar da cəlb edilib. Tədbirdə portalın gələcək anaların sağlam hamiləlik dövrü keçməsi, maarifləndirilməsi və sosial fəallığının artırılmasındakı rolu barədə  geniş məlumat verilib.  “Regional İnkişaf" İctimai Birliyinin nümayəndəsi Ülviyyə Əkbərova iştirakçılara portalın bölmələri, eləcə də iOS və Android əməliyyat sistemli mobil cihazlar üçün nəzərdə tutulan mobil tətbiqi barədə geniş məlumat verib. Mobil tətbiqin əsas üstünlüyünün portalda qeydiyyatdan keçmiş xanımlara hamiləlik dövründə həftəlik dəyişikliklər və layihə çərçivəsində baş verən yeniliklər, tədbirlər haqqında məlumatların göndərilməsindən ibarət olduğunu vurğulayıb. Daha sonra layihənin tərəfdaşları olan UNİCEF Azərbaycan və “Wowoman” Qadın Klubunun təmsilçilərinin çıxışları dinlənilib və iştirakçılara müxtəlif maarifləndirici materiallar paylanılıb. Tədbirin ikinci hissəsində Azərbaycan Tibb Universiteti və Psixi Sağlamlıq Mərkəzinin nümayəndələri tərəfindən “Hamiləlik dövründə düzgün qidalanma” və “Hamilə qadınlarda psixi rifah” mövzularında infosessiyalar təşkil olunub, müvafiq təqdimatlar edilib. Hamilə xanımlara hamiləlik dövründə düzgün qidalanma modeli, qadın orqanizmində baş verən müxtəlif fiziki və hormonal dəyişikliklər, qida rasionunda gündəlik kaloriyə olan tələbat, eləcə də psixoloji dəyişikliklər, depressiyandan çıxış yolları, bu sahədə ailə dəstəyinin önəmi haqqında danışılıb. Layihə çərçivəsində həmçinin,  portalın fəaliyyətinə cəlb olunmuş könüllülər Sumqayıtda müvafiq sahədə fəaliyyət göstərən tibb işçiləri və digər mütəxəssislərlə birlikdə hamilə xanımlara yönəlik layihə təklifləri hazırlayaraq həyata keçirəcəklər. 

“Hamiləlikdə İnkişaf Portalı”nın (HİP) Qubada təqdimatı keçirilib

“Regional İnkişaf” İctimai Birliyinin Səhiyyə Nazirliyinin dəstəyi ilə yaratdığı “Hamiləlikdə İnkişaf Portalı” (http://www.hip.az/) Qubada təqdim olunub. Təqdimatda yeni yaradılan portalın gələcək anaların sağlam hamiləlik dövrü keçməsi, maarifləndirilməsi və sosial fəallığının artırılması istiqamətindəki rolu barədə məlumat verilib. Səhiyyə Nazirliyinin nümayəndəsi Leyla Məmmədova, “Regional İnkişaf" İctimai Birliyinin nümayəndəsi Ülviyyə Əkbərova çıxış edərək, layihənin sosial maarifləndirilmə baxımından əhəmiyyətini vurğulayıblar. Bildirilib ki, portal və mobil tətbiq hamiləlik dövründə xanımların sağlamlıq, akademik və sosial inkişafı üçün faydalı olan müvafiq proqramlarla təmin edilib. Mobil tətbiqin əsas üstünlüyü portalda qeydiyyatdan keçmiş xanımlara hamiləlik dövründə uyğun həftəlik dəyişikliklər, layihə çərçivəsində baş verən yeniliklər və tədbirlər haqqında məlumatların göndərilməsindən ibarətdir. Portalın fəaliyyəti çərçivəsində Bakı və regionlarda hamilə xanımlar üçün müxtəlif info-sessiyalar, yoqa, pilates dərsləri, seminarların keçirilməsi nəzərdə tutulur. Eyni zamanda, “Hamiləlikdə İnkişaf Portalı” layihəsi çərçivəsində bu sahədə təhsil alan tələbə və rezidentlər üçün könüllü qəbulu elan olunub. Bununla bağlı müraciətlər aprelin 30-dək qəbul ediləcək. Layihəyə könüllü kimi qoşulan gənclər fərdi inkişaf, bilik və təcrübələrini artırmaq imkanı qazanacaq. Layihə çərçivəsində UNICEF Azərbaycan, “Wowoman”, Psixi Sağlamlıq Mərkəzi, Azərbaycan Tibb Universiteti və digər qurumlarla əməkdaşlıq istiqamətlərindən danışılıb, nümayəndələrin çıxışları dinlənilib və iştirakçılara müxtəlif maarifləndirici materiallar paylanılıb.

Azərbaycan Tibb Universitetinin Tədris Cərrahiyyə Klinikasında təqdimat

“Regional İnkişaf” İctimai Birliyinin Səhiyyə Nazirliyinin dəstəyi ilə hazırladığı “Hamiləlikdə İnkişaf Portalı”nın (HİP) martın 12-də Azərbaycan Tibb Universitetində təqdimatı keçirilib.   “Hamiləlikdə İnkişaf Portalı”  layihəsinin əsas məqsədi gələcək anaların sağlam hamiləlik dövrü keçirməsinə, maarifləndirilməsinə və sosial fəallığının artırılmasına dəstək göstərməkdir. Portal (www.hip.az) qadınların sağlamlığına, akademik və sosial inkişafına müsbət təsir edəcək xüsusi proqramlardan ibarətdir. Burada hamiləlik dövründə sağlam qidalanma, düzgün həyat tərzi, vacib tibbi xidmətlərdən istifadə və digər mövzularda məlumatlar toplanıb. Portalın İOS və Android əməliyyat sistemləri üçün mobil tətbiqi də istifadəyə verilib. Mobil tətbiqdə qeydiyyatdan keçmiş hamilə qadınlara hamiləlik perioduna uyğun həftəlik dəyişikliklər və layihə çərçivəsində baş verən yeniliklər, tədbirlər haqqında məlumatlar göndərilir.  Tədbirdə o da vurğulanıb ki, hamiləlik hər bir qadının həyatının həssas dövrlərindən biridir və bu mərhələdə xanımların düzgün məsləhətlərə ehtiyacı var. Belə ki, qadının ailə üzvləri də hamiləliyin fizioloji gedişatı və baş verə biləcək fəsadlar barədə məlumatlı olmalıdırlar. Bu sahəyə aid olan vacib tibbi biliklərin cəmiyyətə təqdim olunması baxımından portal böyük əhəmiyyətə malikdir. Təqdimat mərasimində layihə çərçivəsində UNİCEF Azərbaycan, “Wowoman”, Psixi Sağlamlıq Mərkəzi, Bakı Pilates Mərkəzi, Yoqa Şahi və digər təşkilatlarla əməkdaşlıqdan da bəhs olunub.  Portal barədə daha geniş auditoriyaların məlumatlandırılması məqsədilə Azərbaycan Tibb Universitetinin tələbə və rezidentlərinin də könüllü kimi layihəyə cəlb edilməsi nəzərdə tutulur.

Hamiləlikdə İnkişaf Portalının Gəncə təqdimatı

Martın 7-də Heydər Əliyev Fondunun “Regional İnkişaf” İctimai Birliyinin Səhiyyə Nazirliyinin dəstəyi ilə hazırlanan “Hamiləlikdə İnkişaf Portalı”nın (HİP) Gəncə şəhərində təqdimatı keçirilib. Fonddan Trend-ə verilən məlumata görə, tədbirdə səhiyyə sahəsində aparılan islahatlardan, əhaliyə yüksək səviyyədə tibbi xidmətin göstərilməsi üçün yaradılan infrastrukturdan və həyata keçirilən maarifləndirmə tədbirlərindən söz açılıb. “Hamiləlikdə İnkişaf Portalı” layihəsinin Bakı şəhəri və regionlarda yaşayan gələcək anaların sağlam hamiləlik dövrü keçməsi, maariflənməsi və sosial aktivliyinin artmasında faydalı olacağı bildirilib. Belə ki, portalda hamiləlik dövründə sağlam qidalanma, düzgün həyat tərzi, vacib tibbi xidmətlərdən istifadə və digər mövzularda informasiyalar toplanıb. Android və iOS əməliyyat sistemləri üçün istifadəyə verilmiş mobil tətbiqin əsas üstünlüyü isə ondan ibarətdir ki, burada qeydiyyatdan keçmiş qadınlara hamiləlik müddətinə uyğun həftəlik dəyişikliklər, eləcə də layihə çərçivəsində həyata keçiriləcək sosial tədbirlər barədə məlumatlar göndəriləcək.   Tədbirdə layihə çərçivəsində UNICEF Azərbaycan, “Wowoman”, Psixi Sağlamlıq Mərkəzi, Bakı Pilates Mərkəzi, Yoqa Şahi təşkilatları ilə əməkdaşlıq istiqamətlərindən də söz açılıb, iştirakçılara müxtəlif maarifləndirici materiallar paylanılıb. Qeyd edək ki, “Hamiləlikdə İnkişaf Portalı” layihəsi həm də Azərbaycan Respublikasının Gənclər Fondunun elan etdiyi müsabiqənin qalibi olub.

"Hamiləlikdə İnkişaf Portalı"nın təqdimatı

Dekabrın 25-də Heydər Əliyev Mərkəzində “Regional İnkişaf” İctimai Birliyinin (RİİB) Səhiyyə Nazirliyinin dəstəyi ilə həyata keçirdiyi “Hamiləlikdə İnkişaf Portalı” layihəsinin təqdimatı olub. AZƏRTAC xəbər verir ki, www.hip.az portalında hamiləlik dövründə sağlam qidalanma, düzgün həyat tərzi, vacib tibbi xidmətlərdən istifadə və digər mövzularda mütəxəssislərin hazırladığı materiallar təqdim edilir. Layihənin məqsədi gələcək anaların sağlam hamiləlik dövrü keçirməsinə, maarifləndirilməsinə, sosial fəallığının artırılmasına dəstək göstərməkdir. RİİB-in nümayəndəsi Ülviyyə Əkbərova yeni portalın xanımlar üçün geniş və faydalı məlumat bazası olacağını bildirib. Qeyd edib ki, elektron platformada yerləşdirilən və mütəmadi yenilənəcək məlumatlar qadınların bu sahədə maarifləndirilməsinə dəstək olacaq. Səhiyyə Nazirliyinin nümayəndəsi Leyla Məmmədova bildirib ki, reproduktiv sağlamlıq, təhlükəsiz analıq, ailə planlaşdırılması mövzularında internetdə müxtəlif saytlarda yerləşdirilmiş məlumatlar bir-birindən fərqli olduğundan və Azərbaycan dilində yetərincə məlumat olmadığından qadınlar lazımi informasiyaları əldə etməkdə çətinlik çəkirlər. “Hamiləlikdə İnkişaf Portalı” isə xanımlara etibarlı mənbələrdən düzgün məlumatlar əldə etməyə imkan yaradacaq. UNICEF-in Azərbaycandakı nümayəndəliyinin rəhbərinin müavini Min Yuan bu layihənin, sadəcə, hamilə xanımların deyil, onların ailələri və ümumi cəmiyyətin maarifləndirilməsi baxımından gözəl başlanğıc olduğunu qeyd edib. “Hamiləlikdə İnkişaf Portalı”nın mobil tətbiqi də istifadəyə verilib. IOS və Android əməliyyat sistemli mobil cihazlar üçün nəzərdə tutulan tətbiqin əsas üstünlüyü bu platformada qeydiyyatdan keçmiş xanımlara hamiləlik müddətində uyğun həftəlik dəyişikliklər, eyni zamanda, layihənin növbəti mərhələlərində baş verən yeniliklər, keçiriləcək tədbirlər haqqında məlumatların göndərilməsindən ibarətdir. Qeyd edək ki, layihə çərçivəsində müxtəlif təlimlər, kurslar, beynəlxalq ekspertlərin iştirakı ilə maarifləndirici sessiyalar və konfransların keçirilməsi də nəzərdə tutulur.