Ultrasəs müayinə

Menstruasiya tarixi  gecikən və hamiləlik testi pozitiv çıxan hər bir qadının ən böyük narahatlığı hamiləliyin normal olub-olmamasıdır.Müasir dövrdə artıq hamiləliyin inkişafı erkən dönəmlərdən başlayaraq USM ilə dinamikada izlənilir.

13-cü həftəyə qədər USM-in transvaginal yolla edilməsi daha məqsədəuyğundur, embriona və hamiləliyin gedişinə heç bir təsiri yoxdur.Bu zaman əldə olunana görüntü daha dəqiq olur.

1-ci trimestrdə USM nə üçün aparılır?

·         Menstruasiya gecikməsi olduqda hamiləlik diaqnozunu qoymaq üçün.

·         Hamiləlik müddətinin menstruasiya gecikməsi ilə uyğun olub-olmadığını öyrənmək üçün.

·         Ektopik hamiləlik və ya boş hestasional kisənin təyini üçün.

·         Hamiləliyin inkişafının normal olub-olmadığını müəyyənləşdirmək üçün.

·         5-ci həftədə transvaginal USM ilə  hestasional kisə və yolk salk -kisəsinin təyini mümkündür. Yolk salkın funksiyası dəqiq bilinməsə də, embrionun qidalanmasında və qan hüceyrələri sintezində rolu olduğu müəyyən edilmişdir.6-ci həftədən etibarən -hestasional kisə 16-18 mm olduqda artıq embrion USM- də görünür.