Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır


Mədə qıcqırması ( reflyuks xəstəliyi)

 

Uşağın ölçüləri böyüyür və ananın daxili üzvlərinə təzyiq tədricən artır.

Bu təzyiq ən çox  diafraqmanın, ağciyərlərin, qaraciyərin və mədənin üzərinə düşür. Nəticədə ilk olaraq təngnəfəslik və mədə qıcqırması meydana çıxır. Bəzən kiçik porsiyada qida qəbulundan sonra belə döş sümüyünün arxasında küt ağrı qeyd olunur.  Səbəb  hamiləlik dövründə progesteronun təsiri altında mədə ilə qida borusu arasında olan sfinkterin tonusunun azalmasıdır. Mədəyə təzyiq olduqda mədə möhtəviyyatı  maneəsiz qida borusuna  qayıda bilər. Mədə turşusu və turş mədə möhtəviyyatı qızqırma verir.

Bununla yanaşı, həzm funksiyasının məhdudlaşması nəticəsində mədə  nisbətən  yavaş sürətlə boşalır. Ona görə də qida borusuna qayıda biləcək möhtəviyyat uzun müddət ərzində mədədə qalır.

Əgər Siz yeməkdən sonra əyilirsinizsə və ya başınızın altına yastıq qoymadan arxasə üstə uzanırsınızsa, mədə qicqirmasının meydana çıxmasına əlavə imkan vermiş olursunuz.

 

Mədə qıcqırması zamanı hansı vasitələrin istifadə olunması problemi  yaradan səbəbdən asılıdır. Bəzi hallarda vərdişləri, o cümlədən qidalanma ilə əlaqəli vərdişləri dəyişməklə problemi həll etmək mümkündür.

Kiçik porsiyalarda qida qəbul edin və maye için. Yağlı qidalardan və qıcıqlandırıcı vasitələrdən, məsələn kofedən imtina edin.

Ədviyyatlardan, çox şirin qidalardan, qazlı mineral sudan da imtina edin. Əgər axşam saatarında mədə qıcqırması daha çox rast gəlinirsə, yatmazdan əvvəl qida qəbul etməyin.

Kəskin simptomları  yüngülləşdirmək  məqsədilə  oturaq vəziyyətdə yatmaq məsləhət görülür. Bu vəziyyətdə mədə möhtəviyyatının qida borusuna keçməsi çətinləşir.

Mədə turşusunu neytrallaşdıran medikamentlər mövcuddur.  Mədə qıcqırmasını aradan qaldıran hər hansı bir vasitə həkim tərəfindən təyin olunmalıdır.

 

 

 

Məsləhətlərimiz:

Mədə qıcqırması ilə yanaşı hamilə qadınlarda ürəkbulanma, qusma, turş gəyirmə də qeyd oluna bilər.

Bu xoşagəlməz əlamətləri aradan qaldırmaq məqsədilə aşağıda sadalanan tövsiyələrə riayət edin:

-          Kiçik porsiyalarla gün ərzində 5-6 dəfə qida qəbul edin

-          Yeməyi uzun müddət ərzində çeynəyin

-          Yağlı və ədviyyatlı yeməklərdən imtina edin

-          Şirniyyatdan imtina edin

-          Son dəfə yuxudan ən azı 2 saat əvvəl qida qəbul edin

-          Yatanda başınızın və   gövdənizin  yuxarı hissəsinin bir qədər hündürdə olmasına çalışın

-          Dar paltar geyinməyin