Bel ağrıları və fəqərələrarası yırtıq

Hamilələrin 30%-i beldə ağrılardan şikayıt edirlər. Bu ağrıların əsas səbəbkarı relaksin hormonudur. Bu hormonun təsiri altında onurğa beynini saxlayan bağlar zəifləyir və tez bir zamanda dayaq aparatı qeyri-sabir vəziyyətə gəlir. Onu da deyək ki, hamiləlik zamanı onurğaya düşən yük də artır. Nəticədə yükün artması nəticəsində ağrı meydana çıxır.

Xoşbəxtlikdən həqiqi fəqərələrarası yırtıq nadir hallarda rast gəlinir. Həqiqi fəqərələrarası yırtıq üçün belin aşağı nahiyəsində olan ağrılar səciyyəvidir. Yeridikdə, ağırlıq qaldırdıqda ağrı güclənir və bud nahiyəsinə irradiasiya edir. Asqırdıqda, öskürdükdə ağrı güclənir.  Sinirin harada və necə sıxılmasından asılı olaraq ayaqlarda keyimə və ya “qarışqa gəzməsi” kimi əlamətlər də qeyd oluna bilər.  Nadir hallarda yüngül iflic əlamətləri qeyd oluna bilər.

Aşağıda sadalanan tədbirlər Sizə kömək üdə bilər:

-          İmkan daxilində ağır fiziki işdən, ağırlıq qaldırmaqdan və ağır əşya gəzdirməkdən, uzun müddət ayaq üstə qalmaqdan uzaq olun

-          Gecə yerinizi rahat edin, belinizin arxasına yastıqlar qoyun.

-          Massaj və fizioterapiya vəziyyətinizi yüngülləşdirəcək.

-          Xüsusi gimnastika və üzgüçülük bel əzələlərini möhkəmləndirməklə Sizə kömək edəcək.

-          Ağrılar çox güclü olarsa, həkiminizlə parasetamol preparatının qəbulunu müzakirə edin.