Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır


Yuxu pozuntuları

 Hamiləlik dövründə yuxu pozuntuları tez-tez rast gəlinir. Yuxu pozuntusuna gətirən səbəblər barədə danışaq.

-          Böyüməkdə olan qarın. Yatağa uzanarkən rahat vəziyyət almaq get-gedə çətinləşir. Bu vəziyyət xüsusilə qarçı üstə yatmağa adət etmiş qadınlara aiddir. Onlar yeni variantlar axtarmaq məcburiyyətindədirlər.

-          Sidik kisəsi ilə əlaqəli problemlər. Bəzi qadınlar artıq hamiləliyin ilk həftələrindən başlayaraq tez-tez sidiyə gedirlər. Sağlamlıq baxımından gecələr sidiyə getmək təhlükəli deyil. Lakin gecə ərzində dəfələrlə qalxmaq yuxu pozğunluğuna gətirir.

-          Aşağı ətraflarda ağrılar da Sizin gecə yuxunuzu pozan amillərdəndir.Yorğun ayaqlar sindromu və baldır əzələlərində qıcolmalar da yuxu defisitinə gətirir. Belə ki, ağrıların aradan qalxması üçün hamilə qadın yerindən qalxıb bir qədər gəzməlidir.

-          Bel ağrıları. Onurğanın və çanaq  həlqəsinin qeyri-sabit vəziyyəti öz-özlüyündə yataqda döndükdə ağrıya səbəb ola bilər.

-          Mədə qıcqırması. Əgər Sizin balıncınız çox aşağıdırsa, mədə qıcqırması güclənə bilər. Buna görə də hündür balışdan istifadə edir.

-          Psixi gərginlik. Psixi gərginlik bir çox gələcək anaların yuxusunu pozur. Yoqa, autogen məşq psixi gərginliyi aradan qaldırmağa kömək edir. Yaxın insanlarla söhbət də bu baxımdan çox vacibdir.

-          Dölün tərpənməsi. Çox nadir hallarda dölün tərpənməsi hamilə qadını narahat edə bilər.

 

Hamiləliyin son trimestrində  yuxu pozğunluğunun qarşısını almaq üçün tövsiyələr:

 

-          Əgər artıq analıq məzuniyyətindəsinizsə, gün ərzində dincəlmək imkanından istifadə edin.

-          Yataqda Sizə maksimal dərəcədə rahatlı gətirən vəziyyət almağa çalışın. Tövsiyə olunur ki, böyrü üstə uzanasınız, aşağıda olan ayağınızı düz uzadıb, yuxarıdakı ayağınızı yarımbükülü vəziyyətdə qoyasınız. Qarın əzələlərinin tonusunu azaltmaq məqsədilə ayaqlarınızın arasına yastıq qoymanız məsləhətdir.

-          Yuxudan əvvəl autogen məşqlər Sizin rahat yuxuya getməyinizə kömək edəcək.

-          Hər gün axşam gəzintisinə çıxın. Təmiz hava ilə nəfəs alın, bütün qayğılarınız  və narahatçılıqlarız  arxada qalsın.

-          Vanna qəbulu rahatlıq gətirə bilər. Lavanda, melissa vannaları məsləhət görülür.

-          Yatağa uzanmaqdan öncə açıq pəncərə qarşısında dayanın və bir neçə dəfə dərindən nəfəs alın.

-          Axşam saatlarında ballı  ilıq süd və ya melissa, pişikotu ilə bitki çayları qəbul etsəniz, bu Sizə rahatlıq gətirəcək.

-          Akupressura da kömək edə bilər. Gözünüzü yumun və 2 dəqiqə ərzində qaşlarınız başlanan nöqtələri yüngülcə massaj edin.

-          Mədədə ağırlıq olmaması məqsədilə son qida qəbulu yatağa getməzdən bir neçə saat öncə olmalıdır. Axşam yeməyi yüngül olmalıdır.

-          Hamiləlik dövründə yuxu dərmanlarının və digər sakitləşdirici dərman vasitələrinin qəbulu məsləhət deyil. Alkoholdan da tamamilə imtina olunmalıdır.

 Günorta yuxusu.

Günorta yuxusu hamilə qadınlarda ürəkbulanmanı azalıdr, sinir sisteminin fəaliyyətini yaxşılaşdırır,qanda stress hormonlarının səviyyəsini azaldaraq stressi aradan qaldırır,immuniteti gücləndirir...

Həmçinin mübadiləni tənzimləyərək çox yeməyin qarşısını alır.

ZZZ  10-20 dəqiqəlik–enerji artıran yuxu.

Bu, sizin NREM adlanan mərhələdə qalmanıza kömək edir, oyandıqdan sonra aktiv fəaliyyətə sürətli keçid asan olur.

ZZZ  30 dəqiqəlik- -yorğunluğu dəf edən yuxu.

30 dəq yuxulamaqla  yorğunluğu dəf edə, sonrakı 10 saat ərzində enerjinizi artıra bilərsiniz,amma aktiv fəaliyyətə qayıtmaq daha çətin olur.

ZZZ 60 dəqiqəlik -yaddaşı gücləndirən yuxu.

1 saat yatmaq qısamüddətli yaddaşınızı gücləndirəcək,ürəkbulanmanı azaldacaq, əhval- ruhiyyənizi müsbətə doğru dəyişəcək.Lakin yenə də, oyandıqdan sonra yuxulu ola bilərsiniz,çünki dərin yuxuda olarkən oyanırsınız.

ZZZ 90 dəqiqəlik tam yuxu sikli.

Bu zaman bütün yuxu siklləri tamamlanır.90 dəqiqə hamilələr üçün ən ideal günorta yuxusu  müddətidir.Zehni oyanıqlığı artır, oyanmaq daha asan olur, günün növbəti saatlarında stressə qarşı dözümlülük  yüksək olur.

   Ən ideal günorta yuxusu zamanı saat 13:00-15:00 arasıdır.

   Əgər yuxudan səhər saat 6:00-da oyanırsınızsa, günorta saat 13:00-da, 9:00-da oyanırsınızsa, 15:00-da yuxulamaq üçün işlərinizə  ara verin.