Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır


Piqmentasiyanın artması

 

Sizin dərinizdə də dəyişikliklər qeyd oluna bilər. Çillər artır, piqment ləkələri meydana çıxır. Günəş altında uzun müddət qaldıqda  ləkələr tündləşir. Bu estrogenlərin səviyyəsinin yüksəlməsi ilə əlaqəlidir.  Estrogenlər melanin maddəsinin yaranmasını stimulə edir.

Piqmentasiyanın güclənməsi  bəzən “hamiləlik maskasının”  ( melazma və ya xloazma)  meydana çıxmasına gətirir. Hamilə qadının üzündə, ağzının və burnunun ətrafında  müxtəlif  çalarlı  ( açıq sarıdan qəhvəyiyə qədər)  piqment ləkələri  meydana çıxır. Əksər hallarda piqment ləkələri doğuşdan sonra müalicəsiz keçib-gedir.  Lakin bəzi hallarda hamiləlik dövründə qadın üçün nəzərəçarpan bir problemə çevrilir.  Makiyajla  ləkələri bir qədər gizlətmək mümkündür. Lakin  ultrabənövşəyi şüalardan da qorunmaq vacibdir.

Döş gilələrinin tündləşməsi,  qarnın  orta xətti boyu qəhvəyi xətt də melanin hasilinin yüksək olması ilə əlaqəlidir.  Bəzi hallarda budun daxili səthində, qoltuqaltı nahiyədə, cinsiyyət üzvləri nahiyəsində, gözlərin altında da tünd piqmentasiya qeyd olunur. Doğuşdan sonra adətən bu ləkələr aradan qalxır.