Sidik ya dölyanı maye

Dölyanı maye də sidik kimi damcı-damcı axa bilər. Bu döl kisəsinin vaxtından əvvəl cırılması nəticəsində qeyd oluna bilər.  Əgər Sizin alt paltarınız yaş olursa, mütləq həkiminizə müraciət edin. Çünki tam müayinələrdən keçmədən dəqiqliklə axan mayenin sidik yoxsa dölyanı maye olduğunu müəyyən etmək mümkün deyil.

Əgər ifraz olunan maye çoxdursa,  bu, birmənalı olaraq dölyanı mayedir. Təcili yardım xidmətini çağırmaq vacibdir. Təcili yardım xidməti çatana qədər yaxşı olar ki, uzanasınız.

Doğuşayardım müəssisəsində həkimlər tərəfindən  hamiləlik həftəsi, sancıların olub-olmaması, dölün vəziyyəti, infeksiyanın olub-olmaması  nəzərə alınaraq optimal qərar qəbul ediləcəkdir.

Dölyanı maye vaxtından əvvəl axdığı halda  hamiləlik müddətindən asılı olmayaraq, evdə oturub doğuş sancılarını gözləmək olmaz – bu zaman dərhal doğuşayardım müəssisəsinə  müraciət etməlisiniz.