Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır


Epilyasiya

 

Hamiləlik zamanı plazmada androgen səviyyəsinin artması bəzi qadınlarda tüklənmənin artmasına, bəzilərində isə mövcud tüklərin daha gur çıxmasına gətirib çıxara bilər. Onu da qeyd edək ki, bu heç də bütün qadınlara aid deyil, yəni ola bilər ki, siz belə bir problemlə qarşılaşmayasınız.

Tüklərdən azad olmaq hal-hazırda üsullar çoxdur. Amma önəmli olan hamiləlik zamanı hansı üsulun həm sizin, həm gələcək körpənizin sağlamlığı üşün təhlükəsiz olmasıdır.

Lazer epilyasiyası hal-hazırda epilyasiya məqsədilə ən çox istifadə olunan üsuldur. Bu epilyasiya növünün dölə təsiri barədə hal-hazırda heç bir elmi məlumat olmadığından, hamiləlik dövründə lazer epilyasiyası məsləhət deyil. Lazer epilyası üçün istifadə edilən şüalar dərinin yalnız üst qatlarına-tük soğanaqlarına təsir edir, alt qatlara isə keçə bilmir.

Lazer epilyasiya nə bətninizdəki gələcək körpənizə, nə sizə zərər verə bilməz. Buna baxmayaraq təhlükəsiz olduğuna dair kifayət qədər elmi araşdırma aparılmadığından yaxşı olar ki, hamiləlik müddətində- ən azından orqanların əsas inkişaf dövrü olan ilk trimestrdə  başqa epilyasiya vasitələrinə üstünlük verəsiniz.

 

Epilyasiya üçün kremlərdən istifadə etdikdə ehtiyatlı olmaq lazımdır. Belə ki, bu kremlərin tərkibinə daxil olan barium sulfat və kalsium triqlikol dəridən sorularaq dölün inkişafına neqativ təsir göstərə bilər.  Alternativ olaraq təbii maddələrdən hazırlanmış kremdən istifadə edə bilərsiniz. Epilyasiya məqsədilə mum istifadəsindən sonra hamilə qadının dərisində göyərmə qeyd oluna bilər.

 

Yapışqan bandlarla ilə tüklərin kökdən çıxarılması hamiləlikdə rahatlıqla istifadə oluna bilər, çünki bu zaman dəridən heç bir kimyəvi maddə sorulmur. Yapışqan bandları süd vəzi , qarın nahiyəsinin dərisinə tətbiq etməyin, çünki bu nahiyələrin dərisinin qıcıqlandırılması uşaqlıq yığılmalarını stimulyasiya edə bilər.

Steril ülgüclərin istifadəsinə heç bir əks-göstəriş yoxdur. Əsas odur ki, ülgüclə özünüzü yaralamayasınız.  Hamiləlik zamanı qan damarları genişləndiyindən ülgüclə yaralansanız, qan çox ola bilər. Ülgücün daha əvvəl başqası tərəfindən istifadə  olunmadığına və paslı olmamasına əmin olmaq lazımdır.  Əgər xarici cinsiyyət üzvlərinizdə venaların varikoz genəlməsi varsa, ülgüc istifadəsi zamanı venaların kəsilmə ehtimalına qarşı ehtiyatlı olun.

 

 

 Hamiləlikdə həddən artıq tüklənmə- hirsutizm böyrəküstü vəzin karsinoması, bəzi yumurtalıq şişləri, polikistoz yumurtalıqlar sindormu, sarı cisim kistası, hamiləlik lüteoması kimi səbəblərdən baş verə bilər. Əgər bu kimi patologiyalar yoxdursa, doğuşdan 3-6 ay sonra tüklənmə getdikcə azalacaqdır. Elektroepilyasiyanın istənilən növü: elektroliz, termoliz,diatermiya, blend-metod və s. hamiləlik dövründə əks-göstərişdir.