Fizioloji hamiləliyi olan qadınlara antenatal qulluq

Fizioloji hamiləliyi olan qadınlara antenatal qulluq

Antenatal qulluğun (doğuşaqədər nəzarət) məqsədi hamilə qadının və onun hələ doğulmamış körpəsinin sağlamlığının qorunması, ailəyə valideynliyə hazırlanmaqda kömək etməkdir. Antenatal qulluğun keyfiyyəti gəlişlərin və aparılan profilaktik tədbirlərin sayı ilə deyil, göstərilən yardımın keyfiyyəti, hamilə qadının və onun ailə üzvlərinin hamiləliyin gedişi barədə məlumatlılığı, yaxınlarının hamiləyə fiziki, psixoloji, emosional və sosial dəstəyinin səviyyəsi, hamiləliyin gedişinə nəzarət və antenatal qulluq sisteminə müraciətin vaxtında olması ilə müəyyən olunur. Bu səbəbdən əsas rol məlumatı düzgün formalaşdırıb təqdim edə bilən, hamiləyə dərk edilmiş doğru seçim etməyə imkan verən təlim keçmiş tibb personalına ayrılır.

I gəliş (12-ci həftəyə qədər)

► məsləhətvermə  - həkim hamilə qadına hamiləliyin fizioloji gedişi haqqında məlumat verir, anamnez toplayır, ona "Hamilənin ev kartası"nı təqdim edərək kartanın doldurulma qaydalarını başa salır

► arterial təzyiqin ölçülməsi, nəbzin sayılması

► axırıncı aybaşı tarixinə əsasən doğuşun güman edilən vaxtının təyini

► bədən kütləsi indeksinin təyini (BKİ) = kütlə (kq) / boy2 (m2 )

► qanın klinik analizi

► sidiyin ümumi analizi

► qanda şəkərin təyini

► qan qrupu, rezus faktorun, əgər qadın Rh (-), partnyoru isə Rh (+) olarsa rezus anticisimlərinin təyini

► Hepatit B , sifilis  testlərinin aparılması

►İİV (İnsan İmmun Çatışmazlığı Virusu)

►Rubella (İgG) skrininqi. Hamilə qadın seroneqativ olduqda xəstəliyin kəskin formasına müayinə aparılmalı və hamiləliyin II, III trimestrlərində dinamik müayinə aparılmalıdır

► uşaqlıq yolundan yaxmanın mikroskopik müayinəsi (yaxma götürülən zaman uşaqlıq boynunun müayinəsi aparılmalıdır)

► Ultrasəs müayinəsi

II gəliş (18-20-ci həftədə)

► məsləhətvermə

► arterial təzyiqin ölçülməsi, nəbzin sayılması

► uşaqlıq dibinin hündürlüyünün ölçülməsi

► sidiyin ümumi analizi

► Ultrasəs müayinəsi

III gəliş  (26-28-ci həftədə)

► məsləhətvermə

 ► arterial təzyiqin ölçülməsi, nəbzin sayılması 

 ► uşaqlıq dibinin hündürlüyünün ölçülməsi

► auskultasiya – dölün ürək döyüntülərinə qulaq asılması

► qanın klinik analizi

► sidiyin ümumi analizi

► antirezus immunoqlobulininin rezus-mənfi immunizasiya olmamış qadına yeridilməsi

IV gəliş (30-32-ci həftədə)

► məsləhətvermə

► arterial təzyiqin ölçülməsi, nəbzin sayılması

► uşaqlıq dibinin hündürlüyünün ölçülməsi

► auskultasiya – dölün ürək döyüntülərinə qulaq asılması 

► qanın klinik analizi

► sidiyin ümumi analizi

V gəliş (34-36-cı həftədə)

► məsləhətvermə

► arterial təzyiqin ölçülməsi, nəbzin sayılması

► uşaqlıq dibinin hündürlüyünün ölçülməsi

► auskultasiya – dölün ürək döyüntülərinə qulaq asılması

► sidiyin ümumi analizi

► Hepatit B, sifilis testləri

► uşaqlıq yolundan yaxmanın mikroskopik müayinəsi

► Ultrasəs müayinəsi

VI gəliş (38-ci həftədə)

► məsləhətvermə

► arterial təzyiqin ölçülməsi, nəbzin sayılması

► uşaqlıq dibinin hündürlüyünün ölçülməsi

► dölün vəziyyətinin və gələcək hissəsinin təyini üçün qarının palpasiyası. Dölün çanaq gəlişi zamanı doğuşun aparılma taktikasının müəyyən olunması (mamalıq vəziyyətindən asılı olaraq hamiləliyin cərrahi və ya təbii yolla başa çatdırılmasının proqnozlaşdırılması)

► auskultasiya – dölün ürək döyüntülərinə qulaq asılması

► sidiyin ümumi analizi

VII gəliş (40-cı həftədə)

► məsləhətvermə

► arterial təzyiqin ölçülməsi, nəbzin sayılması

► uşaqlıq dibinin hündürlüyünün ölçülməsi

► auskultasiya – dölün ürək döyüntülərinə qulaq asılması

► sidiyin ümumi analizi