Həkim seçimi

Həkim və mama

Hamiləlik və doğuş təbii proseslər olmasına baxmayaraq bu dövrdə tibbi nəzarət çox vacibdir.

Həkim qəbulundan öncə sizi maraqlandıran bütün suallarınızı yazın ki, unutmayasınız. Həkim qəbulunda olduğunuz zaman sizi maraqlandıran və ya narahat edən bütün məqamları aydınlaşdırın.

Əgər sizin hamiləliyiniz normal inkişaf edirsə, siz risk qrupuna aid deyilsinizsə, hamiləlik dövründə 7 dəfə həkim qəbulunda olmağınız məsləhətdir. Risk qrupuna aid olan qadınların hamiləliyinin aparılması fərqlidir.

Özəl tibb müəssisəsində həkim seçimi 

Azərbaycanda hamilə qadınlara  ambulator və stasionar doğuşayardım xidməti göstərən özəl klinikalar fəaliyyət göstərir.

Əgər siz özəl klinikanı seçirsinizsə, bir neçə məqamı öncədən dəqiqləşdirin.

     - Seçdiyiniz özəl klinikanın antenatal xidmət göstərmək üçün lisenziyası varmı?

     - Hamiləlik dövründə sizə lazım olacaq sənədlər  (əvəzləmə vərəqəsi, əmək qabiliyyətinin müvəqqəti itirilmə vərəqəsi, analıq məzuniyyəti, müvafiq arayışlar) seçdiyiniz özəl klinika tərəfindən veriləcəkmi?