Şəxsi hesab açmaqla Siz hər həftə övladınızın inkişaf mərhələsi, ana bətnində olan dəyişikliklər və yeni layihələrimiz haqqında bildirişlər vasitəsilə məlumat əldə edəcəksiniz.

Qeydiyyatdan keç

Qeyd: Bütün istifadəçi məlumatları məxfi saxlanılır


Ana südünün faydaları

  Hər il dünyada avqust ayının 1-dən 7-dək “Ümumdünya ana südü ilə qidalandırma həftəsi” kimi qeyd olunur.  Ümumdünya Səhiyyə Təşkilatı analara körpələri 2 yaşına qədər ana südü ilə qidalandırılmasını tövsiyə edir

   Ana südünün körpələr üçün faydaları aşağıdakılardan ibarətdir:


   - Ana südü körpələr üçün güclü immunitet mənbəyidir. Belə ki, ana südü körpənin immun sistemini möhkəmləndirir və nəticədə körpənizi xəstəliklərdən də qoruyur.
   - Ana südü özündə bütün qida dəyərlərini daşıdığına görə, körpənin əlavə zülal və vitaminə ehtiyacı qalmır.
   - Digər qidalardan fərqli olaraq, ana südü daha tez həzm olur.
   - Ana südü ilə qidalanan körpələrdə ishal və qəbizlik problem özünü aşağı nisbətdə göstərir.
   - Ana südü körpələrin zehni qabiliyyətinə və inkişafına olduqca müsbət təsir göstərir.

 

Bəs ana südünün analar üçün faydası nələrdir?

  - Əmizdirmə prosesi ananın emosiyalarına müsbət təsir edən oksitosin adlı hormonun ifrazını stimullaşdırır. Bu hormon isə ananın körpəsini qidalandırarkən rahatlaşmağına gətirib çıxarır.
  - Körpəsini əmizdirən analarda stress səviyyəsi digərlərinə nisbətdə aşağı faizdə olur.
  - Əmizdirmə prosesi ana ilə körpəsi arasında emosional əlaqə yaradır.
  - Körpəsini ana südü ilə qidalandıran analar hamiləlik zamanı toplanan yağlardan və aldıqları çəkidən də təbii, sağlam yolla azad ola bilir.